Monday, June 25, 2007

كوم أبو عِلاء

ما إن يدخل الأتوبيس السياحى من بوابة مطار القاهرة "الدولى" حتى ترتفع منه موسيقى فرقة حسب الله,يتوقف الأتوبيس أمام بوابة أقيمت خصيصاً لحجاج بيت الله "الحرام" عبارة عن شادر كشادر العزاء,تنزل راقصة شعبية من الأتوبيس ثم تتبعها الفرقة الموسيقية يتبعهم بشر كثيرون يلبسون جلاليب نظيفة جاءوا ليودعوا أبو عِلاء,ثم ينزل أبو عِلاء أو الحاج أبو عِلاء- كما سيلقب فيما بعد- فى ملابس الإحرام,أبو عِلاء هو أول حاج من مركز كوم ابو حمادة أوسيم محافظة الجيزة يفوز فى حج القرعة.

يسلم المودعون على أبو عِلاء ويسلمه كل واحد منهم ورقة صغيرة بالأمنيات التى ستتحقق بوقوفه على جبل عرفات,حتى الراقصة تسلمه ورقة تتمنى فيها أن تصبح بشهرة الفنانة فيفى عبده كى تطعم الفقراء فى رمضان وتحج لبيت الله الحرام.

يختفى أبو عِلاء فى بوابة الحجاج المكتظة ويرجع الأتوبيس لكوم الحاج أبو عِلاء أبو حمادة سابقاً.

5 comments:

Unknown said...

هههههههه

انت بتتكلم بجد؟

ولا ده موقف انت مألفه وبتحكيه

elharam said...

esraa
24.99% من الموقف حقيقى

عمرو غريب said...

انا مش مصدق هذا الموقف بس موقف عجيب

ناردين said...

كنت كاتبة دعوة عايزة الحاج (باعتبار ما سيكون) يدعيهالي وهو هناك .. بس نسيت الورقة في البيت ..
ياللا لما تبقى تروح تحج انت عليا الفرقة وابقى اديك الورقة .. بس اهم حاجة .. متفتحش الورقة نهااااااااائي الا وانت هناك على الجبل ..

فؤاده said...

زميلي

بص انا مافهمتش قوي بس انت عايزتتكلم
عن الناس اللي بتهتم بمظهر الدين
وبتنسى جوهره
صح ولا انا بتفلسف ؟؟